Deepika.com | Largest Malayalam Internet Read

കൊച്ചി: പെരുമ്പാവൂരില്‍ ആഞ്ഞടിച്ച് ഓപ്പറേഷന്‍ തൂഫാന്‍. അന്യസംസ്ഥാന തൊഴിലാളികള്‍ ഏറ്റവും കൂടുതലായുള്ള പെരുമ്പാവൂരില്‍ കഴിഞ്ഞ ദിവസങ്ങളിലായി മിന്നല്‍ പരിശോധന നടത്തി വരികയാണ് പോലീസ്. ഡോഗ് സ്‌ക്വാഡിനെ അടക്കം വിന്യസിച്ചു കൊണ്ടുള്ള പോലീസ് ഉദ്യോഗസ്ഥരുടെ പരിശോധനകളുടെ വീഡിയോയും ചിത്രങ്ങളും സോഷ്യല്‍ മീഡിയയില്‍ വൈറലാവുകയാണ്.

ഇന്ന് വൈകിട്ട് വരെയുള്ള പരിശോധനയ്ക്കിടെ പതിനൊന്ന് അന്യസംസ്ഥാന തൊഴിലാളികളെയാണ് പോലീസ് അറസ്റ്റ് ചെയ്തിരിക്കുന്നത്. ജില്ലാ പോലീസ് മേധാവി കെ.എസ്. സുദര്‍ശന്റെ മേല്‍നോട്ടത്തില്‍ പ്രത്യേകം രൂപീകരിച്ച സ്‌ക്വാഡ് നടത്തിയ റെയ്ഡില്‍ കഞ്ചാവും മറ്റ് ലഹരി വസ്തുക്കളുമായാണ് 11 പേരെ പിടികൂടിയത്. കഴിഞ്ഞ ദിവസം നടത്തിയ റെയ്ഡില്‍ 35 കിലോ കഞ്ചാവുമായി നാല് അന്യസംസ്ഥാന തൊഴിലാളികളെയും പെരുമ്പാവൂരില്‍ നിന്നും അറസ്റ്റ് ചെയ്തിരുന്നു.

ഓപ്പറേഷന്‍ തൂഫാനുമായി ബന്ധപ്പെട്ട് പ്രദേശത്ത് പോലീസ് സജീവമാണെങ്കിലും എക്‌സൈസ് വകുപ്പ് നിസഹരണം തുടരുകയാണ് എന്നാണ് അധ്യാപകനും പെരുമ്പാവൂരിലെ ലഹരി വിരുദ്ധ പോരാട്ടം സംഘടന കണ്‍വീനറുമായ കെ.എ. നൗഷാദ് ദീപിക ഓണ്‍ലൈനിനോട് പ്രതികരിച്ചത്. മുഖ്യമന്ത്രിയെയും എക്‌സൈസ് മന്ത്രിയെയും പെരുമ്പാവൂരിലെ കാര്യങ്ങള്‍ പറയാനായി കാണാനിരിക്കവെയാണ് ഓപ്പറേഷന്‍ തൂഫാനിലൂടെ പോലീസ് പ്രദേശത്തെ ലഹരിമുക്തമാക്കി കൊണ്ടിരിക്കുന്നത്.

പെരുമ്പാവൂരിലെ ഭായ് കോളനിയില്‍ നാട്ടുകാരെ വെല്ലുവിളിച്ചു കൊണ്ടായിരുന്നു മയക്കുമരുന്ന് വില്‍പ്പനയും പെണ്‍വാണിഭവുമാണ് നടന്നിരുന്നത്. ശനി, ഞായര്‍ ദിവസങ്ങളില്‍ പെണ്‍കുട്ടികള്‍ ഉള്‍പ്പെടെയുള്ള കോളേജ് വിദ്യാര്‍ഥികള്‍ എത്തി മയക്കുമരുന്ന് വാങ്ങുന്നത് പതിവായി മാറിയിരുന്നു. അന്ന് പോലീസ് പരിശോധനകളും ഉണ്ടായിരുന്നില്ല. ലഹരിയുമായി ഒരാളെ പിടിച്ചാലും അപ്പോള്‍ തന്നെ ജാമ്യത്തില്‍ വിടുകയും ചെയ്യും.

അതിനെതിരെ നാട്ടുകാര്‍ പ്രതികരിക്കുകയായിരുന്നു. അതിന്റെ ഭാഗമായി ഷെരീഫ് പുല്ലാട്ട് എന്ന പ്രവര്‍ത്തകന്‍ അഞ്ചു ദിവസം ജയിലില്‍ കിടന്നു. പിന്നാലെ എസ്പി ചര്‍ച്ചയ്ക്ക് വിളിച്ചു. പോലീസിന്റെയും എക്‌സൈസിന്റെയും ഭാഗത്തു നിന്നും വീഴ്ചകളുണ്ടെന്ന് നാട്ടുകാര്‍ ബോധ്യപ്പെടുത്തിയതോടെ പ്രദേശത്ത് 24 മണിക്കൂറും പോലീസിന്റെ സാന്നിധ്യമുണ്ടാകുമെന്ന് ഉറപ്പ് നല്‍കുകയായിരുന്നു.

ആ ഉറപ്പ് ഇതുവരെ പാലിച്ചിട്ടുണ്ട് എന്നാണ് നൗഷാദ് പറയുന്നത്. ഭായ് കോളനിയിലെ 70 ശതമാനത്തോളം മയക്കുമരുന്ന് കച്ചവടം കുറഞ്ഞു. അനധകൃത താമസക്കാരായ അന്യസംസ്ഥാനക്കാര്‍ അവിടെ നിന്നും പോയി. എങ്കിലും പരസ്യമായി മയക്കുമരുന്ന് ഉപയോഗിക്കുന്നത് പെരുമ്പാവൂര്‍ ടൗണിലെ നിത്യക്കാഴ്ചയാണ്. അതുപോലെ തന്നെ പെണ്‍വാണിഭവും. ഇതില്‍ ഒരു വിഭാഗം നാട്ടുകാരുടെ വലിയ പിന്തുണയുമുണ്ട്. ലോഡ്ജ് ഉടമകളും അന്യസംസ്ഥാനക്കാരെ താമസിപ്പിക്കുന്ന കെട്ടിട ഉടമകളും വലിയ വാടകയാണ് അവരില്‍ നിന്നും വാങ്ങുന്നത്.

ഓപ്പറേഷന്‍ തൂഫാന്റെ ഭാഗമായി പോലീസ് റെയ്ഡ് പെരുമ്പാവൂരില്‍ തുടരുകയാണ്. എന്നാല്‍ എക്‌സൈസ് അത്ര സജീവമല്ല പെരുമ്പാവൂരില്‍. വേണ്ടത്ര സ്റ്റാഫ് ഇല്ല. എല്ലാ ഞായറാഴ്ച പെരുമ്പാവൂര്‍ മയക്കുമരുന്നിന്റെ ഒരു ഹബ്ബ് ആയി മാറും. കുറച്ച് നാളുകള്‍ മുമ്പ് ഒരു കെട്ടിടത്തില്‍ നിന്നും ഞങ്ങള്‍ 45 ഓളം ചാക്ക് ഹാന്‍സ് പിടിച്ചു. നിരന്തരം എക്‌സൈസിനെ വിളിച്ചിട്ടും അവര്‍ വന്നില്ല. എന്നാല്‍ പോലീസ് എത്തി. എക്‌സൈസിന് ആകെ മയക്കുമരുന്ന്, നാര്‍കോട്ടിക് കേസുകള്‍ നോക്കിയാല്‍ മതി. എന്നാല്‍ പോലീസിന് ഒരുപാട് കേസുകള്‍ നോക്കാനുണ്ട്. എങ്കിലും പോലീസിന്റെ ഭാഗത്ത് നിന്നും നല്ല പ്രവര്‍ത്തനങ്ങള്‍ നടക്കുമ്പോഴും എക്‌സൈസ് ഒന്നും ചെയ്യുന്നില്ല എന്നാണ് നൗഷാദിന്റെ പരാതി.

എക്‌സൈസ് ഉദ്യോഗസ്ഥരുടെ എണ്ണം വര്‍ദധിപ്പിക്കണമെന്നും സജീവമാക്കണമെന്നും എംഎല്‍എയോട് ആവശ്യപ്പെട്ടിട്ടുണ്ട്. എക്‌സൈസിനെ വിളിച്ചാല്‍ ഒന്നുകില്‍ വണ്ടി ഉണ്ടാവില്ല, അല്ലെങ്കില്‍ സ്റ്റാഫ് ഉണ്ടാവില്ല. പോലീസിനെ രാത്രി രണ്ടു മണിക്ക് വിളിച്ചാലും അവര്‍ വരും. പെരുമ്പാവൂരിലെ ഓട്ടോ തൊഴിലാളികളെ ഉപയോഗിച്ചാണ് മയക്കുമരുന്ന് കൊണ്ടുവരുന്നത്. മയക്കുമരുന്നാണ് കൊണ്ടുവരുന്നതെന്ന് മനസിലായാല്‍ അവര്‍ ഞങ്ങളെ വിളിക്കുകയും വിവരം കൈമാറുകയും ചെയ്യും. അത് പോലീസിന് നല്‍കുകയും ചെയ്യുമെന്ന് നൗഷാദ് വ്യക്തമാക്കി.

കഴിഞ്ഞ സര്‍ക്കാരിന്റെ കാലത്ത് മുഖ്യമന്ത്രിക്കും എക്‌സൈസ് മന്ത്രിക്കും എക്‌സൈസ് കമ്മിഷണര്‍ക്കും സേഫ് പെരുമ്പാവൂര്‍ എന്ന ആശയം മുന്‍ നിര്‍ത്തി ആയിരക്കണക്കിന് മെയിലുകള്‍ ഒരേ സമയം നല്‍കിയിരുന്നു. അതിന്റെ പരിണിത ഫലമായാണ് പോലീസിന്റെ ശക്തമായ പരിശോധന വന്നത്. പെരുമ്പാവൂരിലെ മയക്കുമരുന്ന് വിപണിയെ പിടിച്ചു നിര്‍ത്താന്‍ അന്നത്തെ പരാതി പ്രളയം കൊണ്ട് സാധിച്ചു. എന്നാല്‍ എക്‌സൈസില്‍ നിന്നും വേണ്ടത്ര സഹായങ്ങള്‍ ലഭിച്ചിട്ടില്ല. കുന്നത്തുനാട് താലൂക്കിന്റെ എക്‌സൈസ് ഓഫീസിനാണ് പെരുമ്പാവൂരിന്റെ ചുമതല. 60 ഓളം സ്റ്റാഫ് അവിടെ വേണമെങ്കിലും 30 ഓളം സ്റ്റാഫ് മാത്രമാണ് അവിടെയു്ളത് എന്നാണ് നൗഷാദ് പറയുന്നത്.

നമ്മുടെ മക്കള്‍ അതിലേക്ക് പോയപ്പോഴാണ് നമ്മള്‍ ഉണര്‍ന്നത്. 17-18 വയസുള്ള ആണ്‍കുട്ടികളാണ് അവിടെ ലഹരി വാങ്ങാനെത്തുന്നു. അവരുടെ ഫോണ്‍ പരിശോധിപ്പോള്‍ പെണ്‍കുട്ടികളുടെ നഗ്നചിത്രങ്ങളാണ് കണ്ടത്. 16-17 വയസുള്ള പെണ്‍കുട്ടികള്‍ മയക്കമരുന്ന് വാങ്ങിക്കാന്‍ വേണ്ടി പൈസ അയച്ചു കൊടുത്തിരിക്കുന്നു. കാക്കനാടുള്ള ഒരു പ്രമുഖ വിദ്യാഭ്യാസ സ്ഥാപനത്തിലെ രണ്ടു വിദ്യാര്‍ഥികളെ പിടിച്ചു. അവര്‍ക്ക് പെണ്‍കുട്ടികള്‍ ലഹരി വാങ്ങാനായി കാശ് അയച്ചു കൊടുത്തിരിക്കുകയാണ്. അതോടെയാണ് ലഹരിക്കെതിരെയുള്ള പോരാട്ടത്തിന് ഇറങ്ങിയതെന്നും നൗഷാദ് കൂട്ടിച്ചേര്‍ത്തു.

അതേസമയം, ലഹരിക്കെതിരെ സര്‍ക്കാര്‍ സ്വീകരിച്ച നടപടികള്‍ക്ക് വലിയ സ്വീകരണമാണ് ലഭിക്കുന്നത്. പെരുമ്പാവൂരില്‍ പരസ്യമായി ലഹരി ഉപയോഗിക്കുന്നവരുടെ വീഡിയോ പോലീസിന് കൈമാറിയവരില്‍ ഒരാളാണ് നടന്‍ ഉണ്ണി മുകുന്ദന്‍. ഇതിനെതിരെ നടപടി എടുത്തതോടെ ഓപ്പറേഷന്‍ തൂഫാനും പോലീസിനും ആശംസകളുമായി താരം രംഗത്തെത്തിയിട്ടുണ്ട്. ഈ വിഷയത്തില്‍ കാണിച്ച പ്രതിബദ്ധതയ്ക്ക് സേനയ്ക്കും നടപടി എടുത്ത ഹാര്‍ദിക് മീണയ്ക്കും ഉണ്ണി മുകുന്ദന്‍ ഫെയ്‌സ്ബുക്ക് കുറിപ്പിലൂടെയാണ് നന്ദി അറിയിച്ചത്.

കേൾക്കുന്പോൾ ആദ്യമൊന്നു സംശയിക്കും- ക്രെയിന്‍ ഓപ്പറേറ്റര്‍മാരായി മികവോടെ‍ ജോലിചെയ്യുന്ന ഈ സ്ത്രീകളിൽ പലരും ആദ്യമായി ഒരു തുറമുഖം കണ്ടത് വിഴിഞ്ഞം പോര്‍ട്ടില്‍ ജോലിക്കായി തെരഞ്ഞെടുക്കപ്പെട്ടപ്പോഴാണ്! സംശയിക്കേണ്ട, സത്യം. വിഴിഞ്ഞം പോര്‍ട്ടില്‍ ക്രെയിന്‍ ഓപ്പറേറ്റര്‍മാരായുള്ള ഒന്പതു വനിതകളില്‍ എട്ടുപേരും ആദ്യമായി പോര്‍ട്ട് കണ്ടത് ഇവിടെ ജോലിക്കെത്തിയപ്പോഴാണ്. രാജ്യത്ത് ആദ്യമായാണ് വനിതകള്‍ പോര്‍ട്ടില്‍ ഓട്ടോമേറ്റഡ് ക്രെയിന്‍ ഓപ്പറേറ്റര്‍മാരായി ജോലി ചെയ്യുന്നത്.

വിഴിഞ്ഞത്ത് ഇവര്‍ ജോലിയില്‍ പ്രവേശിച്ച് വളരെ വേഗത്തില്‍ത്തന്നെ പെണ്‍കരുത്തിന്‍റെ പൊന്‍വെളിച്ചമായി കേരളക്കരയുടെ മനസില്‍ സ്ഥാനംപിടിച്ചു. ഏതു ജോലിയും ഏറ്റെടുക്കാന്‍ മനസാന്നിധ്യത്തോടെ മുന്നോട്ടുവന്നാല്‍ അതു ഭംഗിയായി ചെയ്യാന്‍ കഴിയുമെന്ന് ഒന്നുകൂടി സാക്ഷ്യപ്പെടുത്തുകയാണ് ഈ നവ വനിതാരത്നങ്ങള്‍.

തുറമുഖത്തിന്‍റെ അയൽക്കാർ

ഇരുപത്തിമൂന്നുകാരി നതാന മേരിയാണ് വനിതാ ക്രെയിൽ ഓപ്പറേറ്റർ സംഘത്തിലെ ബേബി. നതാനയുടെ വീട് പോര്‍ട്ടില്‍നിന്ന് ഒന്നര കിലോമീറ്റര്‍ മാത്രം അകലെ മുക്കോലയ്ക്കല്‍. സിആര്‍എംജി ക്രെയിനുകള്‍ ഓപ്പറേറ്റ് ചെയ്യുന്ന ഒന്പതു വനിതകളും വിഴിഞ്ഞത്തിന്‍റെ വിളിപ്പാട് അകലങ്ങളിൽ താമസിക്കുന്നവരാണ്. സംഘത്തില്‍ പോര്‍ട്ടിനെക്കുറിച്ച് മുന്പേ കാര്യങ്ങള്‍ അറിയാവുന്ന ഏക ആള്‍ നെയ്യാറ്റിന്‍കര സ്വദേശിനിയായ എല്‍. കാര്‍ത്തിക മാത്രമായിരുന്നു.

സർക്കാർ ജോലികൾക്കായുള്ള പരീക്ഷാപരിശീലനത്തിനിടെ ക്രെയിന്‍ ഓപ്പറേറ്ററുടെ ജോലിക്ക് അപേക്ഷിച്ച് ജോലി ലഭിച്ച നതാനയും അധ്യാപകവൃത്തിയില്‍നിന്നു പോര്‍ട്ടിലെ ജോലിയിലേക്കു മാറിയ ഡി.ആര്‍. സ്റ്റെഫിയും ആര്‍.എൻ‍. രജിതയുമെല്ലാം ഇന്ന് ഈ തൊഴില്‍ ഏറെ ആസ്വദിക്കുന്നു.

വനിതകളെന്ന പേരില്‍ മാറ്റിനിര്‍ത്തലല്ല ചേര്‍ത്തുപിടിക്കലാണ് ഉണ്ടായതെന്നും ഏതു മേഖലയിലും കഴിവുതെളിയിക്കാനാവുമെന്നും ഈ വനിതാ താരങ്ങള്‍ പറയുന്നു. സംഘത്തില്‍ വിഴിഞ്ഞത്തെ മത്സ്യത്തൊഴിലാളി കുടുംബങ്ങളിലെ പുതുതലമുറയുമുണ്ടെന്നതാണ് ഒരു കൗതുകം. പുരുഷമേധാവിത്വം നിലനിന്നിരുന്ന ഒരു തൊഴില്‍ മേഖലയിലാണ് ഈ മലയാളി പെണ്‍കരുത്തിന്‍റെ വിജയക്കുതിപ്പ്.

ഇന്ത്യയിൽ ആദ്യം

പൂര്‍ണമായും സ്വയം പ്രവര്‍ത്തിക്കുന്ന കാന്‍റിലിവര്‍ റെയില്‍ മൗണ്ടഡ് ഗാന്‍ട്രി (സിആര്‍എംജി) ക്രെയിനുകള്‍ ഇന്ത്യയില്‍ ആദ്യമായി എത്തിയത് വിഴിഞ്ഞത്താണ്. അതിനാല്‍ തന്നെ ഇത്തരത്തിലുള്ള ക്രെയിനുകള്‍ രാജ്യത്ത് ആദ്യം പ്രവര്‍ത്തിപ്പിച്ച വനിതകള്‍ എന്ന ചരിത്രവും ഇവര്‍ക്കു സ്വന്തം.
പോര്‍ട്ടില്‍ ബര്‍ത്ത് ചെയ്യുന്ന കപ്പലുകളില്‍നിന്നു കണ്ടെയ്നറുകള്‍ ക്രെയിനുകള്‍ ഉപയോഗിച്ച് എടുത്ത് യാര്‍ഡില്‍ എത്തിക്കുന്നു.

യാര്‍ഡില്‍ ഈ കണ്ടെയ്നറുകള്‍ കൃത്യസ്ഥലങ്ങളില്‍ വയ്ക്കാനായാണ് സിആര്‍എംജി ക്രെയിനുകള്‍ ഉപയോഗിക്കുന്നത്. ഈ ക്രെയിനുകളുടെ നിയന്ത്രണമാണ് വനിതാ സംഘങ്ങള്‍ നടത്തുന്നത്. യാര്‍ഡിലേക്ക് കണ്ടെയ്നറുകള്‍ എത്തിക്കുന്നതിന് 24 സിആർഎംജി ക്രെയിനുകളാണുള്ളത്. ഇവ കൈകാര്യം ചെയ്യാനായി 20 ഓപ്പറേറ്റര്‍മാരുണ്ട്. ഇതില്‍ ഉള്‍പ്പെട്ടതാണ് ഈ ഒന്പതു വനിതകള്‍.

പുതിയ മേഖലയിൽ

ബിരുദധാരികളാണ് ഇവരെല്ലാവരും. ബിഎസ്‌‌‌‌‌സി ബിരുദവും ബിഎഡും പാസായി അധ്യാപകജോലിയിലേക്ക് കാലെടുത്തുവയ്ക്കുന്ന സമയത്താണ് പ്രിനു മനസുമാറ്റി ചിന്തിച്ച് ക്രെയിന്‍ ഓപ്പറേറ്റിംഗ് മേഖലയിലേക്ക് ഇറങ്ങിയത്. മത്സ്യബന്ധന പശ്ചാത്തലമുള്ള കുടുംബത്തില്‍നിന്നാണ് പ്രിനു വരുന്നത്. സ്ത്രീകള്‍ക്ക് ക്രെയിന്‍ ഓപ്പറേറ്റിംഗിന് അവസരമെന്ന വാര്‍ത്ത കണ്ടാണ് ജോലിക്ക് അപേക്ഷിച്ചത്. തെരഞ്ഞെടുക്കപ്പെട്ടതോടെ വളരെ വേഗത്തിൽ പരിശീലനം കിട്ടി. ഇപ്പോൾ ക്രെയിനുകൾ വലിയ ആത്മവിശ്വാസത്തോടെ ഓപ്പറേറ്റ് ചെയ്തുതുടങ്ങിയെന്നു പ്രിനു പറയുന്നു.

ടീമിലുള്ള എല്‍. കാര്‍ത്തികയ്ക്ക് മാത്രമായിരുന്നു പോര്‍ട്ട് ജോലി സംബന്ധിച്ച് മുന്‍പരിചയം ഉണ്ടായിരുന്നത്. കൊച്ചി വല്ലാർപാടം തുറമുഖത്ത് ജോലി ചെയ്തതിന്‍റെ പരിചയമായിരുന്നു കാര്‍ത്തികയ്ക്കു മുതല്‍ക്കൂട്ട്. നെയ്യാറ്റിന്‍കര സ്വദേശിനിയായ കാര്‍ത്തിക ഇന്‍സ്ട്രുമെന്‍റേഷന്‍ എന്‍ജിനീയറിംഗില്‍ ഡിപ്ലോമ നേടിയിട്ടുണ്ട്.

സ്വന്തം നാടിന് അടുത്തായതിനാലാണ് വിഴിഞ്ഞം തുറമുഖത്തെ ജോലിക്കു ശ്രമിച്ചത്. തെരഞ്ഞെടുക്കപ്പെട്ടശേഷം ഗുജറാത്തിൽ ഒരുമാസത്തെ പരിശീലനം. തിരികെ വരുമ്പോഴേക്കും ഇവിടെ ക്രെയിനുകള്‍ എത്തിക്കഴിഞ്ഞിരുന്നു. മുന്‍പരിചയം ഉള്ളതിനാല്‍ പുതുതായി വന്നവര്‍ക്ക് പരിശീലനം നല്കുന്നതിലും കാര്‍ത്തിക പങ്കാളിയായിരുന്നു.

ക്രെയിനുകളുടെ പ്രവര്‍ത്തനം നിരീക്ഷിക്കുകയാണ് പ്രധാന ജോലിയെങ്കിലും യന്ത്രത്തില്‍ എന്തെങ്കിലും തകരാറുണ്ടായാൽ‍ ഡെസ്കില്‍നിന്ന് ജോയ്സ്റ്റിക്കുകള്‍ ഉപയോഗിച്ച് മാനുവലായി ഇവര്‍ ഇടപെടേണ്ടിവരും. 12 മണിക്കൂറുകളായുള്ള രണ്ടു ഷിഫ്റ്റുകളിലായാണ് ഇവരുടെ ജോലി. തങ്ങള്‍ ഈ ജോലി ഏറെ സന്തോഷത്തോടെ ആസ്വദിച്ചാണ് ചെയ്യുന്നതെന്ന് ഈ പെണ്‍പട ഒന്നടങ്കം പറയുന്നു. ഷിഫ്റ്റ് സംവിധാനമായതുകൊണ്ട് ഇവര്‍ക്ക് ഒരുമിച്ചു കാണാന്‍പറ്റുന്നത് അപൂര്‍വമായി മാത്രമാണ്.

ഒരുമയോടെ, സന്തോഷപൂർവം

വനിതകളെന്നോ പുരുഷന്‍മാരെന്നോ വ്യത്യാസമില്ലാതെ ഒരു ഷിഫ്റ്റിലെത്തുന്ന ഞങ്ങള്‍ എല്ലാവരും ഒത്തൊരുമിച്ച് സന്തോഷത്തോടെയാണ് ജോലി ചെയ്യുന്നതെന്നു ടീമിലെ ഇളംമുറക്കാരിയായ നതാന പറഞ്ഞു. ബിരുദ പഠനത്തിനു ശേഷം എസ്എസ്‌സി പരീക്ഷാപരിശീലനം നടത്തിക്കൊണ്ടിരുന്ന സമയത്താണ് അദാനി പോര്‍ട്ടിലേക്ക് ക്രെയിന്‍ ഓപ്പറേറ്റര്‍മാരെ നിയമിക്കുന്നതിനായുള്ള അപേക്ഷ ക്ഷണിച്ചുകൊണ്ട് പരസ്യം കാണുന്നത്. ഒന്നു ശ്രമിച്ചു നോക്കാമെന്ന നിലയില്‍ അപേക്ഷിച്ചു.

തുടര്‍ന്ന് മൂന്നുഘട്ടമായി നടത്തിയ അഭിമുഖങ്ങള്‍ക്കൊടുവിലായിരുന്നു നിയമനം. പരിശീലന കാലഘട്ടത്തില്‍ ആദ്യം ഒന്ന് അമ്പരന്നു. എന്നാല്‍ തുടര്‍ന്ന് ഈ ജോലിയുമായി ഇഴുകിച്ചേര്‍ന്നു. വളരെക്കുറഞ്ഞ കാലത്തിനുള്ളില്‍തന്നെ ഏറെ നേട്ടങ്ങള്‍ സ്വന്തമാക്കാന്‍ കഴിഞ്ഞു. മുംബൈയില്‍ കഴിഞ്ഞ ഒക്ടോബറില്‍ നടന്ന ഇന്ത്യ മാരിടൈം വീക്കില്‍ പങ്കെടുക്കാന്‍ കഴിഞ്ഞത് ഏറ്റവുമധികം അഭിമാനം തോന്നിയ നിമിഷമായിരുന്നുവെന്നു നതാന സാക്ഷ്യപ്പെടുത്തുന്നു.

ഇവരാണ് ആ ഒന്പതുപേര്‍

ജെ.ഡി. നതാന മേരി (ഫിസിക്സ് ബിരുദധാരി), പി. ആശാലക്ഷ്മി (കമ്പ്യൂട്ടര്‍ എന്‍ജിനീയറിംഗില്‍ ഡിപ്ലോമ, ഹോസ്പിറ്റാലിറ്റി മേഖലയില്‍ കമ്പ്യൂട്ടര്‍ ടെക്നീഷ്യനായിരുന്നു), എ.വി. ശ്രീദേവി (കമ്പ്യൂട്ടര്‍ സയന്‍സിൽ ബിടെക് ബിരുദധാരി), എല്‍. സുനിതാ രാജ് (ഇലക്ട്രോണിക്സ് ആന്‍ഡ് ഇന്‍സ്ട്രുമെന്‍റേഷനില്‍ ഡിപ്ലോമ), എല്‍. കാര്‍ത്തിക (ഇന്‍സ്ട്രുമെന്‍റേഷന്‍ എൻജിനീയറിംഗില്‍ ഡിപ്ലോമ, ഡിപി വേള്‍ഡ് കൊച്ചി ആര്‍ടിജി ഓപ്പറേറ്ററായി മുന്‍പരിചയം), പി. പ്രിനു (കെമിസ്ട്രി ബിരുദധാരി), എസ്. അനീഷ (ഗണിതശാസ്ത്ര ബിരുദധാരി), ആര്‍.എന്‍. രജിത, ഡി.ആര്‍. സ്റ്റെഫി റെബീറ (ഇരുവരും ഫിസിക്സ് ബിരുദധാരികൾ, അധ്യാപികമാരായിരുന്നു).

13.35 ലക്ഷം കണ്ടെയ്നറുകള്‍

കഴിഞ്ഞമാസം അവസാന ആഴ്ചവരെ വിഴിഞ്ഞം തുറമുഖംവഴി കയറ്റിയിറക്കു നടത്തിയത് 13.35 ലക്ഷം കണ്ടെയ്നറുകളാണ്. 620 കപ്പലുകളിലായി തുറമുഖത്ത് എത്തിയ ഈ കണ്ടെയ്നറുകള്‍ യാര്‍ഡില്‍നിന്നു നിശ്ചിത സ്ഥലങ്ങളിലേക്ക് മാറ്റിവയ്ക്കുന്നതിന് സിആര്‍എംജി ക്രെയനുകളില്‍ സഹായം നല്കിയത് ഈ വനിതകളായിരുന്നു. ചരിത്രത്തിൽ അവരുടെ കൈയൊപ്പുകൾ പതിയുന്നു...

മാനുവല്‍ ക്രെയിനും സിആര്‍എംജി ക്രെയിനും

മാനുവല്‍ ക്രെയിനുകളാണ് നിലവില്‍ ഇന്ത്യയിലെ പ്രധാന തുറമുഖങ്ങളിലെല്ലാം ഉപയോഗിക്കുന്നത്. വിഴിഞ്ഞത്താണ് ദക്ഷിണേഷ്യയില്‍ ആദ്യമായി ഓട്ടോമേറ്റഡ് സിആര്‍എംജി ക്രെയിന്‍ സംവിധാനം ഉപയോഗിക്കുന്നത്. മാനുവല്‍ ക്രെയിന്‍ ഉപയോഗിച്ച് കണ്ടെയ്നറുകള്‍ നീക്കുന്നതിന് കായികശേഷിയും അധികമായി വേണ്ടിവരുന്നു. 70 മീറ്ററിലധികം നീളംവരുന്ന ക്രെയിനിനു മുകളില്‍ കയറി ജെസിബി ഓപ്പറേറ്റ് ചെയ്യുന്ന രീതിയിലാണ് ഇതു നിയന്ത്രിക്കേണ്ടത്.

അതേസമയം പുതിയ സാങ്കേതികവിദ്യ ഉപയോഗിക്കുന്ന ഓട്ടോമേറ്റഡ് കാന്‍റിലിവര്‍ റെയില്‍ മൗണ്ടഡ് ഗാന്‍ട്രി ക്രെയിന്‍ തുറമുഖത്തിന്‍റെ ഓപ്പറേഷന്‍ ഡെസ്കിലിരുന്നു പൂര്‍ണമായും റിമോട്ട് കണ്‍ട്രോൾവഴി പ്രവർത്തിപ്പിക്കാം. കണ്ടെയ്നറുകളുടെ കയറ്റിയിറക്ക് ഏറ്റവും എളുപ്പമാക്കുന്നതിനും തുറമുഖത്തിന്‍റെ പ്രവര്‍ത്തന കാര്യക്ഷമത വര്‍ധിപ്പിക്കുന്നതിനും ആയാസരഹിതമായി ജോലി ചെയ്യുന്നതിനും ഇത് അവസരമൊരുക്കുന്നു.

സ്ത്രീകള്‍ ഉള്‍പ്പെടെയുള്ളവര്‍ക്ക് തൊഴിലെടുക്കാനുള്ള അവസരവും ഇതോടെ കൈവന്നു. ക്രെയിന്‍ ഓപ്പറേറ്റര്‍മാര്‍ കണ്ടെയ്നറുകൾ സ്ക്രീനിൽ കണ്ട് ഗെയിമുകളിലേതുപോലുള്ള ജോയ്സ്റ്റിക്കുകൾ ഉപയോഗിച്ച് റിമോട്ടായി ക്രെയിൻ പ്രവർത്തിപ്പിക്കുകയാണ് ചെയ്യുന്നത്.

10

E Paper

Deepika
E-Paper

Filter By Tag : Operation

വയനാട് കള്ളാടി മണ്ണിടിച്ചിൽ; രക്ഷാപ്രവർത്തനം പുരോഗമിക്കുന്നു; രണ്ട് മന്ത്രിമാർ സംഭവസ്ഥലത്തേയ്ക്ക്

ഓപ്പറേഷൻ തൂഫാൻ: അയൽ സംസ്ഥാനങ്ങളിലെ ഡിജിപിമാരുടെ യോഗം 10ന്

ഓപ്പറേഷന്‍ തൂഫാന്‍: വയനാട്ടില്‍ ഒരു മാസത്തിനിടെ അറസ്റ്റിലായത് 148 പേര്‍

ശ്രീകാര്യം ലൊയോള സ്കൂളിൽ ഓപ്പറേഷൻ തൂഫാൻ പദ്ധതി

വള്ളിപ്പടർപ്പുകൾ തുണയായി; കൊക്കയിലേക്ക് ചാടിയ യുവാവിന് അത്ഭുത രക്ഷപെടൽ

ഓപ്പറേഷൻ തൂഫാൻ: പോലീസുമായി കൈകോർത്ത്‌ വ്യാപാരികളും

ഓപ്പറേഷൻ തൂഫാൻ: തൊടുപുഴയിൽ പരിശോധന നടത്തി പോലീസ്

നിരോധനം കഴിഞ്ഞു; ടെലിഗ്രാം പ്രവർത്തിച്ചുതുടങ്ങി

പോലീസ് പെൻഷനേഴ്സ് വെൽഫെയർ അസോ. പ്രവർത്തനവർഷ ഉദ്ഘാടനം

എരുമേലിയിൽ സ്കൂട്ടറിൽ കടത്തികൊണ്ട് വന്ന കഞ്ചാവുമായി യുവാവ് പിടിയിൽ

ഓപ്പറേഷന്‍ തൂഫാന്‍: കഞ്ചാവും ബ്രൗണ്‍ ഷുഗറുമായി അന്യസംസ്ഥാന തൊഴിലാളി പിടിയില്‍

പെരുമ്പാവൂരില്‍ ആഞ്ഞടിച്ച് ഓപ്പറേഷന്‍ തൂഫാന്‍; ഇന്ന് അറസ്റ്റിലായത് 11 പേര്‍, എക്‌സൈസ് സജീവമല്ലെന്ന് പരാതി

കാലിനുള്ളിൽനിന്ന് മരക്കഷണം പുറത്തെടുത്തു

വഴികാട്ടി പ്രവര്‍ത്തനം നിലച്ചിട്ടു വര്‍ഷങ്ങള്‍

ഓപ്പറേഷൻ താമരയിൽ കെട്ടഴിഞ്ഞ് എഎപി

അനുമതിയില്ലാതെ നിർമാണം പൂർത്തിയാക്കി; ആനച്ചാലിലെ ഗ്ലാസ് ബ്രിഡ്ജിന്‍റെ പ്രവർത്തനം തടഞ്ഞു

ദ ഗെയിം ചെയ്ഞ്ചേഴ്‌‌‌‌സ്

യൂട്യൂബ് നോക്കി ശസ്ത്രക്രിയ; യുവതി മരിച്ചു

കുറവിലങ്ങാട്ട് വന്‍ കുഴൽപ്പണ വേട്ട; ഒരു കോടി രൂപ പിടിച്ചു, നോട്ടുകൾ ശരീരത്തിൽ കെട്ടിവച്ച നിലയിൽ

മാര്‍ സ്ലീവാ മെഡിസിറ്റിയില്‍ സമ്പൂര്‍ണ തുടയെല്ല് മാറ്റിവയ്ക്കല്‍ വിജയകരം

ഇന്ത്യയ്ക്കെതിരെ ഭീകരസംഘടനകൾ സംഘടിത ആക്രമണത്തിന് തയാറെടുക്കുന്നെന്ന് റിപ്പോർട്ട്

Latest News

CATEGORIES

FEATURING

RASHTRA DEEPIKA LTD

Dr. Francis Cleetus

Michael Vettickatt

George Kudilil

10

E Paper

DeepikaE-Paper

NEWS

SECTIONS

FEATURED

PUBLICATIONS

Important Links

Follow

NEWS

SECTIONS

FEATURED

PUBLICATIONS

Important Links

Follow

Filter By Tag : Operation

ഓപ്പറേഷൻ തൂഫാൻ: അ​യ​ൽ സം​സ്ഥാ​ന​ങ്ങ​ളി​ലെ ഡി​ജി​പി​മാ​രു​ടെ യോ​ഗം 10ന്

ഓ​പ്പ​റേ​ഷ​ന്‍ തൂ​ഫാ​ന്‍: വ​യ​നാ​ട്ടി​ല്‍ ഒ​രു മാ​സ​ത്തി​നി​ടെ അ​റ​സ്റ്റി​ലാ​യ​ത് 148 പേ​ര്‍

ശ്രീ​കാ​ര്യം ലൊ​യോ​ള സ്കൂ​ളി​ൽ ഓ​പ്പ​റേ​ഷ​ൻ തൂ​ഫാ​ൻ പ​ദ്ധ​തി​

വ​ള്ളി​പ്പ​ട​ർ​പ്പു​ക​ൾ തു​ണ​യാ​യി; കൊ​ക്ക​യി​ലേ​ക്ക് ചാ​ടി​യ യു​വാ​വി​ന് അ​ത്ഭു​ത ര​ക്ഷ​പെ​ട​ൽ

ഓ​പ്പ​റേ​ഷ​ൻ തൂ​ഫാ​ൻ: പോ​ലീ​സു​മാ​യി കൈ​കോ​ർ​ത്ത്‌ വ്യാ​പാ​രി​ക​ളും

ഓ​പ്പ​റേ​ഷ​ൻ തൂ​ഫാ​ൻ: തൊ​ടു​പു​ഴ​യി​ൽ പ​രി​ശോ​ധ​ന ന​ട​ത്തി പോ​ലീ​സ്

നി​രോ​ധ​നം കഴിഞ്ഞു; ടെ​ലി​ഗ്രാം പ്ര​വ​ർ​ത്തി​ച്ചു​തു​ട​ങ്ങി

പോ​ലീ​സ് പെ​ൻ​ഷ​നേ​ഴ്സ് വെ​ൽ​ഫെ​യ​ർ അ​സോ. പ്ര​വ​ർ​ത്ത​ന​വ​ർ​ഷ ഉ​ദ്ഘാ​ട​നം

എ​രു​മേ​ലി​യി​ൽ സ്കൂ​ട്ട​റി​ൽ ക​ട​ത്തി​കൊ​ണ്ട് വ​ന്ന ക​ഞ്ചാ​വു​മാ​യി യു​വാ​വ് പി​ടി​യി​ൽ